नव वर्ष २०८० को शुभ उपलक्ष्यमा देश - विदेशमा रहनुहुने सबैमा हार्दिक मंगलमय शुभकामना व्यक्त गर्दछु ।

वित्तप्रकोपसर्वात्मा नानाव्याधिरनेकधा ।
वाहनैश्च समायुक्तः पिङ्गले जायते नरः ।।

शाके संवत् १९४५, विक्रम संवत् २०८०, यस संंवत्सरकोराजा बुध, मन्त्री शुक्र रहनेछन् । बर्षारम्भमा शुभको प्रभाव बढिरहेको छ । आआफ्ना जिम्वेवारी इमान्दारीताका साथ पुरा गर्नेछन्। यस वर्षको संवत्सरको नाम पिङ्गल हो जसको फल यस प्रकार रहने छ–

पिङ्गल नाम संवत्सरले पित्तप्रकोप वायु विकार थरिथरिका अज्ञात रोगहरू प्रकट हुनेसम्भावना रहन्छ । बाढी, पहिरो प्राकृतिक प्रकोपले जनधनको क्षति हुनसक्छ ।औषधि उत्पादनबाट राज्यले सरसहयोग गरेमा अर्थिक लाभ राम्र्र्रै हुनेछ । आधुनिक वाहानहरू देशमा भित्रने छन् । २०८० सालको बर्षमा राजा बुध, मन्त्री शुक्र छन । राजा र मन्त्री दुवै एक अर्कामा मित्र भाव राख्ने अनि बुध राजा भएर शुक्रको नक्षत्रमा, शुक्र मन्त्री बनेर चन्द्रमाको नक्षत्रमा छन् । शुभ ग्रह भएकाले बर्षभरी शुभ कार्य धेरै हुने छन् । यज्ञ यज्ञादिमा रुचि बढ्नेछ । धार्मिक पर्याटनमा लाभ उठाउन सकिने बर्ष हो । वाणिज कारक बुध राजा भएको हुँदा निर्यातमा बढोत्तरी हुने छ । राजा मन्त्रीको नक्षत्रमा, मन्त्री चन्द्रमाको नक्षत्रमा बसेकोले महिलाशक्ति राज्य सञ्चलनमा र देश निर्माणमा पुरुषभन्दाअग्र हुनेछन् । विज्ञानमा चासो बढ्नेछ । प्राकृतिक श्रोतको खोजीमा जनचासो बढ्नेछ । यसवर्षको ग्रह गठनमाराजा र मन्त्रीलाई हेर्दा नपुंसक ग्रह राजा, स्त्रीग्रह मन्त्री पदमा आसीन छन् । राज्य सञ्चालनमा मन्त्रीको प्रभाव बढी हुनेछ । वाणिज्यकारक बुध, विज्ञानकारक शुक्रको विशेष प्रभाव रहने हुँदा वर्षको आरम्भमा अधिकार प्राप्तिका अवाज प्रशस्तै उठ्ने सम्भावना रहन्छन् । धर्म र न्यायका निमित्त महिलाहरूले प्रभावशाली भूमिका निभाउन र ठोस कार्यलाई अगाडि सार्ने प्रयत्नगर्ने छन् । मन्त्री पदमा आसीन शुक्रले प्रसासनिक दक्षतालाई महिला तथा वैज्ञानिकहरूबाट निर्देशनात्मक तबरले बढावा दिनेहुँदा राजनीतिलाई प्रतिबद्धताउन्मुख गराउन बल पुग्नेछ । दिग्भ्रमित भइरहेका बुद्घिजीवी र जिम्मेवार व्यक्तिहरू महिलाद्वारा नियन्त्रित हुने हुँदा बाध्य भई संगठित हुँदा छद्मभेषी, कलुसित, मानवविरोधि जमातहरू निस्तेज हुने सम्भावना रहन्छ । बौद्धिक ब्यत्तित्वहरूको एकताले अनैतिक कार्य गर्नेहरू विश्वभर तरङ्गित हुनेछन् । विचार गरौँ राजा, मन्त्री दुवै ग्रह एक अर्कामा मित्र भाव राख्ने हुँदा सैन्यशक्ति भने राज्य राष्ट्र र धर्मलाई केन्द्रमा राखी विकृति र विसङ्गतीलाई अन्त्य गर्न अघि बढ्न सक्छ । राजनैतिक दलहरूले नियन्त्रणमा लिने प्रयास गर्दाराजनीतिमा स्वेक्षाचारी बढ्ने सम्भावना रहन्छ । परिणामस्वरूप समाजमा विचलन आउन सक्छ, बौद्धिक वर्गहरू सङ्गठित हुँदा शुभ ग्रहको प्रभाव बलियो रहेकोले सबैले धैर्य धारण गर्दै समन्वयतिर जोडिने प्रयास गर्नेछन् । त्यसबाट सकारात्मक प्रभावलाई बल पुग्नेछ । संयम र सजग भएमा ऐतिहासिक कार्य गर्ने अवसर मिल्नेछ ।

यसवर्षको वर्ष प्रवेश कन्या लग्नमा भएको छ । यो द्विस्वभाव लग्न भएकाले राज्य सञ्चालकहरू द्विविधामा पर्न सक्ने सम्भावना हुन्छ । लग्नेश,चतुथेश, सप्तमेश र दशम भावको मालिकद्वारा बनेको लग्नादि योगले वलियो बनाएको छ । भाग्येश, पञ्चमेशको महत्वपूर्णले भूमिका हुन्छ । ग्रह वक्र र मार्ग, ग्रहको संयोग, उच र नीच सवैको अवस्थालाई मिलाउनुपर्दछ । बर्ष आरम्भ हुँदा चन्द्रमा मकर राशिमा बस्छ । नेपालको राशिदेखि तृतीय स्थानमा भएकोले शुभ हो । लग्नेश र दशमेश भई वुध बर्ष लग्नबाट अष्टम भावमा लग्नादि योग बनाएर रहँदा बलशाली हुन्छन् । सप्तमेश र चतुर्थेश गुरु, जगलग्नदेखि सप्तम भावमा छन् । गुरु बर्षारम्भ हुँदाको समयमा नेपालको राशिदेखि पञ्चम भावमा,अस्त छन्। बर्ष लग्नदेखि सप्तम भावमा बसेर लग्नमा दृष्टि दिने हुँदा देशले गति लिने छ। नवमेशर द्वितीयेश शुक्र नवम भावमा रहेको छ । लग्नेश तथा दशमेश बुध, चतुर्थेश र सप्तमेश गुरु, पञ्चमेश शनिबाट बनेको लग्नादि योगले बलशाली बनाएको छ ।

२०८० सालको बर्षारम्भमा दशमभावमा सेनाधिपति मङ्गल मकर राशिमा, चन्द्रमा, सूर्य, बुध राहु अष्टमभावमा, शनि षष्ठ भावमा कुम्भ राशिमा रहेकाले ग्रहस्थितिले निक्कै उचारचढावको सामना गर्नुपर्ने छ । विशेष गरी राजनीति, धर्म र न्याय क्षेत्रमा विचलन ल्याउन सक्छ । केही गरी सावधानी नअपनाए न्यायपालिकाले कार्यपलिकालाई कब्जा गर्न खोज्छ । यो अवस्था जटिल हुने भएकाले सजग सचेत हुनु जरुरी छ । थोरैमात्र चुक्यो भने अवस्था गम्भीर र जटिल हुने छ । सुजवुझका साथ काम गरे संकटबाट सहजतामा जाने उपयुक्त वातावरण बन्नेछ । यस प्रसंगमा लग्नकुण्डलीको योगबल पनि महत्वपूर्णहुन्छ।

यस वर्ष बर्षारम्भमा लग्नादि योग मेष राशिको राहुले बनाएको छ । यसको मुख्य फल प्रायः उतारचढाव आउने हो । यस्तो समयमा संकटको सामना गर्नुपरे पनि परिणम सकारात्मक निस्कने छ । प्रयास गरेमा वर्षारम्भको दिन चन्द्रमा देशको राशिदेखि तृतीय स्थानमा भएकोले ग्रह अति बलिया छन् । राहुर सूर्य एकसाथ ग्रहण योगमा रहनेछन् । यसलाई ग्रहका हिसावले अशुभ कोणबाट बुझे पनि मेषको राहु र उच्च सूर्यले अष्ट भावमा लग्नादि योग बनाएर रहेको हुँदा मिलाएर हेर्दा यसबाट लाभका अवसरहरू विशेषत नेपालका लागि धेरै हुने छ । वर्षको राजा र मन्त्री पदमा रहेका ग्रह बर्ष लग्न र देशको राशिबाट अनुकूल रहँदा शुभ मानिन्छ । मंगलको सम्बन्ध रगत, पृथ्वी,रोग, आगो, हातहतियार र सेनामा रहन्छ। यस बर्ष मङ्गल बर्षारम्भ लग्नदेखि दशममा देशको राशिदेखि अष्टममा रहेका छन् । २०८० वैशाख २९ गतेसम्म मंगल मिथुन रहँदा राजनीतिमा संकट, आगलागी, भूकम्प, आँधीहुरीका साथै विमान दुर्घटनामा महत्वपूर्ण व्यक्तिको निधन हुन सक्छ । शुक्रको सम्बन्ध सम्पूर्ण विज्ञान, विषेशतः स्वास्थ विज्ञान, स्त्री, भोगविलाश, सुन्दरता, सम्भोगमा रहन्छ । बर्षारम्भमा बर्ष लग्नदेखि नवम र देशको राशिबाट सप्तम कूटनैतिक भावमा रहने हुँदा महिला हिंसामा अग्रसर पुरुष र महिला अधिकारमा अग्र महिलाहरूको द्वन्द बढ्न सक्ने र संयमित महिलाहरूले उच्छ्रिङ्खल पुरुषहरूलाई किनारा लगाउने देखिन्छ । मंगलले दक्षिणको, भूमिको तथा स्वदेशको प्रतिनिधित्व गर्ने हुँदा यस्तो स्थितिमा दक्षिणको चलखेल बढेर देशमा आन्तरिक विवाद हुने सम्भावना रहन्छ । आआफ्नो स्वार्थले प्रेरित शक्तिहरूको चलखेलमा राष्ट्रिय संकट आउन सक्छ । यस्तो समयमा अज्ञात रोग प्रकट हुन सक्ने, चोरी, अराजक कार्य,प्राकृतिक विपत्ति आउन सक्छ । अषाढ ३१ गतेदेखि बक्र भएका मन्त्री शुक्र भाद्र १२ गतेमात्र मार्गी हुने छन् । सोही समयमाश्रावण १८ अस्ताउँदै भाद्र १ गते उदाउने छन । यस्तै श्रावण ३१ गते राजा बुध बक्री हुँदै भाद्र ६ गते अस्ताएर भाद्र २१ गते उदाउने, २३ गते मार्गी हुने छन् । बर्षका राजा, मन्त्रीका बक्र योगले अविभावकीय भूमिका निर्वाह गर्नुपर्ने बौद्घिकवर्गहरू सुरक्षा, शिक्षा, प्रशासनिक र न्यायक्षेत्रमा न्यायोचित मार्गलाई वेवास्ता गर्दै स्वार्थमा प्रेरित हुन सक्ने सम्भावना बलियो रहनेछ । यस्तो अवस्थामा सुरक्षा, न्याय र धर्म एकसाथ जुटेर कार्यपालिकालाई अवज्ञा गर्दै राजनीतिलाई नियन्त्रणमा लिन खोज्दा मौका हेरी वसेका विदेशीहरूको उक्सावटमा नेतृत्वहरू गलत मार्गमा लाग्न सक्छन्, राजनैतिक संकट आउन सक्नेछ । चुनौती र अवसरमध्ये अवसरलाई उपयोग गर्दै विषम परिस्थितिलाई धैर्यका साथ नेतृत्वले कदम चालेमा बर्षारम्भको ग्रह गोचर बलियो रहेकोले देशले ऐतिहासिक सफलता हासिल गर्ने मार्ग अबलम्बन गर्नेछ । सचेत र सजग नभएमा विदेशीहरूको ठाडो हस्तक्षेप हुनसक्ने बढी सम्भावना रहन्छ । त्यसकारण जनधनको क्षति हुनुको साथै अर्थतन्त्रमा ठूलो नोक्सान भई राष्ट्र असफलता उन्मुख हुन सक्छ । सत्तासमेत परिवर्तन हुन सक्छ । विस्थापित शक्तिले अवसर पाउन सक्छन्, अकल्पनीय व्यक्तिको अकस्मात् उदय भएर ऐतिहासिक कार्य गरेर देशलाइ नयाँ रूपदिने सम्भावना रहन्छ । प्रतिष्ठित व्यक्तिको निधनले राजनीतिमा संकट आउन सक्छ ।

वर्षलग्नदेखि अष्टम मेषमा राहुसहितको सूर्य, बुधले देशको आर्थिक अवस्था कमजोर हुनेछ । बर्षारम्भमा बनेको लग्नादि योगको बल बार्षान्त्यसम्म रहनेछ । यस्तो समयमा उतार चडाव धेरै आउने सम्भावना रहन्छ । तृतीय भावमा चन्द्र भाग्यभावमा शुक्र रहेको हुँदा राज्यकोषलाई मिलिजुलि खाने प्रयासलाई निस्तेज गर्दै उपलब्धिमुलक कार्यमा अधिक खर्च गर्ने प्रयास हुनेछ । लग्नेशद्वारा लग्नादि भएकोले देशको आमदानी बढाउने छ । शिक्षा र धर्मकारक सप्तम दशमका मालिक गुरु बर्ष लग्नदेखि चतुर्थ, सप्तम भावको मालिक गुरु बर्षारम्भमा देशको राशिदेखि पञ्चम रहँदा शिक्षा र धर्मका नाममा राज्यकोषबाट धन लुट्नेहरूलाई बौद्धिक वर्ग र जनसमुदायबाट कडा प्रतिकार यस बर्ष हुन्छ । दशमेश र लग्नेश वाणिज्यकारक बुध जगलग्नदेखि अष्टममा भावमा लग्नादि योग बनाएर रहँदा निर्यातको प्रयास र आयात घटाउने प्रयास हुँदा राष्ट्रिय ढुकुटी स्थिर रहने सम्भावना हुन्छ । भाग्येश शुक्र स्वगृही भई नवम भावमा अषाढ ३१देखि भाद्र १२सम्म वक्र,श्रावण १८देखि भाद्र १सम्म अस्त हुनेछ । बुध पनि श्रावण ३१ गते बक्रश्रावण ६ गते अस्त भाद्र २१ गते भाद्र २३सम्म अस्त बक्र हुने हुँदा यो समयमा राज्यले राज्यकोष,शक्तिको दुरूपयोग गर्न खोज्नेहरू सक्रिय हुनेछन् । बर्षारम्भमा द्वितीयेश, नवमेश स्त्रीकारक शुक्रका नवममा रहेकोले बौद्घिक महिला, युवा र धार्मिकवर्गहरू एकसाथ राज्य निर्माणमा जुट्नेछन् । देश द्रोहीलाई गलत्याएर निकाल्ने सम्भावन रहन्छ । भाग्यभावमाद्वितीयेश तथा भाग्येश शुक्र हुँदा महिलाहरूको सक्रियताले कुटनैतिक तथा वाणिज्य क्षेत्रमा रहेको विकृति र विसङ्गति हटाउने प्रयास धेरै हुने छ । सप्तम गुरुस्वगृही भएको हुँदा ज्ञानले प्राविधिक, विज्ञानले निर्माणमा, जोड दिनेहुँदा आधुनिकशैलीबाट कृषि उद्योगका साथै अन्य उद्योगहरूअगाडि बढाउने प्रयासका साथै धार्मिक पर्याटकको वृद्धि हुनेछ । गुरुको अनुकूलताले वैदेशिक सम्बन्ध व्यक्तिका निमित्त हानिकारक रहे पनि देशका निम्ति भने सकारात्मक र समन्वयकारी रहनेछ । पश्चिमीशक्तिको स्वार्थले उत्तरी दक्षिणकोशक्तिलाई नेपालको स्वार्थ प्रेरित बनाउन सक्छ । विवेकशील नेतृत्व भएमा त्यस बखत ज्ञान, विज्ञानमा सुझबुझका साथ अघि बढ्ने वर्ष हुनेछ ।

बर्ष लग्नदेखि भाग्यभावमा शुक्र सप्तम भावमा, गुरु देशको राशिदेखि पाचौँ शिक्षितहरूले शिक्षाको सदुपयोग गर्ने छन् । बर्ष लग्नदेखि आठौँमा रहेको राहुले विदेशी ऋण बढ्ने सम्भावना हुन्छ । केही समय बुध, शुक्र बक्र हुनेले राज्यले बाटो विराउँदा संघर्षमा जनता आन्दोलित हुनेछन् । बुध शुक्र राजा र मन्त्री को संयोगले धार्मिक आवरणमा लुट्ने, धर्मलाई अपव्याख्या गर्ने, अधर्मीहरूको पराजय, सच्चा धर्म र राष्ट्रियताको जगेर्ना गर्न अग्रसरहुनेहरूको विजय सुनिश्चतजस्तै छ । नवम शुक्र नवम भावमानै रहेकोले राष्ट्र भक्तहरूशक्तिशाली हुँदा राष्ट्र विरोधीहरू सल्बलाउनेछन् । बुध, शुक्र राष्ट्रको पक्षमा रहेको हुँदा यो वर्ष राष्ट्रले नयाँ र युगान्तकारी परिवर्तन गर्दै स्वार्णीम युगमा प्रवेश गर्नेछ । पूर्व दिशाका अधिपति शुक्र स्वगृही, मन्त्री भई नवम भावमा बलशाली भई रहेकोले पश्चिमी देशको सहयोग एवं खबदारीले सवै वैदेशिक सम्बन्धलाई अत्यन्त सकारात्मक बनाउन बल पुग्नेछ । प्रजातन्त्रमा सार्वभौम जनता भन्ने भनाईलाई सार्थक बनाउन यस वर्ष ग्रहले साथ दिनेछ । यो सयमा संयम नभए देश संकटग्रस्त भई असफल वा परिवर्तनको दिशामा उन्मुख हुनसक्छ ।

यस बर्ष बङ्गलादेश,श्रीलङ्का र नेपालको लागि राम्रो चीन, भूटान, भारत, अफगानीस्थानलाई प्रतिकूल पाकीस्थान मध्यम छ ।यस वर्ष पश्चिमा मुलुकहरूको अवस्था उतावचडाव रहने छ । यस्तो स्थितिमा प्राकृतिक प्रकोप र राजनीति तरलता वढ्नेछ । विषेश गरी समुद्री ज्वालामुखी, आँधीकाकारण विश्व तरङ्गित हुनसक्छन् । अमेरिकाले राजनीति र प्राकृतिक प्रकोपको धेरै कठिनाईको सामना गर्दै आफूलाई शक्तिमा उभ्याउने छ । जापान, जर्मनले ऐतिहासिक सफलता पाउने छन् तर प्राकृतिक प्रकोपको भागीदार पनि हुनेछन् । भारतमा आन्तरिक कलह बढ्ने, राजनीति र प्राकृतिक प्रकोपको ठूलै पीडा भोग्नुपर्नेछ । भारत र पाकीस्थान, बर्मा, भारत बिचकूटनैतिक सम्बन्ध चिसिनगई युद्ध हुन सक्छ । चीन र भारत बिचमा पनि खटपट हुने सम्भावना छ । चीनको अवस्था खर्चिलो, कूटनैतिक विवादले चिन्तित, अप्ठ्यारोमा पर्ने छ । रसियामा आपसी समन्वय बढ्ने, बाह्य अक्रमण कमजोर हुने सम्भावना छ । फ्रान्स र वेलायतलाई शुभ प्रभाव रहने छ । यसवर्ष पनि विश्व राजनैतिक ध्रुवीकरण प्राचीन र आधुनिक पक्षबीच जबर्जस्त उभिने हुँदा महायुद्ध उन्मुख हुँदै गर्दा आधुनिकतालाई प्राचीन सोचले निस्तेज बनाउन सक्नेछ ।

यो वर्ष मकरलाई अन्त्य, कुम्भलाई मध्य र मीन राशिलाई आद्य साढेसाती रहनेछ । कर्कट तथा बृश्चिक राशिलाई अढैया शनि रहनेछ । शनिको प्रभाव जन्मकुण्डलीमा शनि राम्रो भएमा राम्रो फल, नराम्रो भएमा नराम्रो फल मिल्नेछ । अढैया शनिले जन्मकुण्डलीमा शनि राम्रो भएमा बिगार नगर्ने, राम्रो भने कसैलाई नगर्ने हुन्छ । साढेसाती वा अढैया लाग्दा सर्वप्रथम पीपलको पूजा गर्ने, भैरवको पूजा गर्ने । शनिबारको दिन भैरवको पूजा गरी भैरवको दायाँहातमा २ मिटर कालो कपडा राखी ‘शनिको दशा नाश होस्’ भनेर दश कदमपछि हटी नहेरी फर्कने । भैरवको मन्दिर उपलब्ध नभएमा २ नदीको संगममा नदीको मूलतिर वा नदी आएको तर्फ फर्केर पूजा गर्ने । २ मिटर कालो कपडापछाडिबाट बगाउने, ‘मेरो शनि दोष बगोस्’ भनी बगेकोलाई नहेर्ने । यसले गर्दा शनिको दोष कम हुन्छ । यो व्यावहारिक प्रयोगले थाहा भएको हो ।