२०८० को राशिफल ।

मेष

यस वर्ष ग्रहगोचर समग्रमा उत्तम रहने छ । वर्षभरीनवौँको मालिक गुरु राशिमा रहने हुँदा केन्द्रादि दोष भएर चिन्ता बढे पनि एकादशमा स्वगृही शनि एकादशेश पनि भइरहने छ । राशिको गुरुले पञ्चम, सप्तम र नवममा दृष्टि दिने भएकोले आर्थिक एवं बौध्दिक मार्ग बलशाली रहनेछ ।आँटेका कामहरूमा सफलता पाउन गाह्रो हुनेछैन । मेषको राहु राशिमा बर्षको उत्तराद्र्धसम्म रहने हुँदा धैर्य गरेमा अपनाउँदा अनुसन्धानको नयाँकामको आरम्भ हुनेछ । अरूको विश्वास जितेर वैदेशिक व्यापारमा सफलता र कूटनैतिक कार्यमा विशेष लाभ मिल्नेछ । भाग्य मजबुत हुनाले धार्मिक र सामाजिक कार्यमा सफलता, सम्मान सोचेजस्तै मिल्नेछ । नयाँ प्रेममा प्रवेश एवं प्रेमलाई विवाहमा परिणत गर्ने, प्रेमविहीन अविवाहितहरूलाई विवाह बन्धनमा जोडिने अवसर मिल्ने छ । विवाहितहरूका लागि पुत्रलाभको अवसर अवसर मिल्ने छ । विवाहितहरूको पतिपत्नीबिच विमति भए सहमति हुने छ । शैक्षिक मार्गमा वर्षभरी नै छात्रवृद्धि हासिल गरि विदेश पढ्न जान पाउने योग छ । भाग्यभाव कर्मभाव दुवै बलिया भएकोले यस बर्षमा जोड दिए ऐतिहासिक काममा सफलता प्राप्ति हुने योग छ । विश्वास गरेकाले साथ दिने हुँदा मित्र र परिवारको साथ सहकार्यमा जोड दिनुहोला ।भइरहेको नोकरी तथा राजनीतिमा उच्च सम्मान प्राप्त हुने, नभएकाले नयाँ नोकरीमा पाउने योग छ । राजनीतिमा गुमेको स्थान मान प्राप्त हुन सक्ने समय हो । यो समयमा सक्रिय रहनु होला । बर्षारम्भमा ग्रह गोचर बलिया छ ।शनि, राहु दुवै बलियो भएकोले सक्रिय भएमा परिणाम सकारत्मक रहनेछ । बैशाख १देखि ७सम्म खर्च बढ्ने विवाद बढ्ने, सोचेका कुरा पुरा नहुने योग भएपनि वैशाख ८ गतेदेखि आश्विन ३० गतेसम्म नयाँ काम पाउनुको साथै पुराना समस्या सुल्झाउने अवसर मिल्ने छ ।आँटे, सोचेको काम पुरा गर्न सक्ने योग छ ।श्रावमा घर, झगढा बढ्ने सवारीसाधनले दुःख दिने योग । भाद्र, आश्विनमा लेखन मार्गमा सफलता मिल्नेछ । खेलाडीहरूका लागि वर्ष उत्कृष्ट नै भन्नुपर्दछ ।सहयोगीहरू, दाजुभाइ, पिता तथा पैतृक सम्पत्तिमा सकारात्मक अवस्था भएकोले समग्रमा त्यस्ता काममा यो वर्ष अग्रसर हुनु उचित हुनेछ । निर्धक्क एवं विवेकपूर्ण तरिकाले अघि बढेमा ऐतिहासिक सफलता प्राप्त गर्ने अवसर यस बर्ष मिल्नेछ । मार्गमा स्वास्थमा बाधा आउने, काममा अवरोध आउने, लेनदेनमा विवाद,शरीरमा चोटपटक लाग्न सक्नेछ । चैत्रमा आर्थिक कठिनाई र झुटा आरोप आउने,मुद्दा मामला लाग्न सक्नेछ ।आषाढमा शारीरिक अवस्था मजबुत हुनुको साथै धेरै ठूला कामहरू बन्ने एवं नयाँकामको अवसर मिल्ने योग छ । आश्विनमा शत्रुनाश हुने, आफ्नो वर्चस्व बढ्ने, फाल्गुणमा धेरै धन कमाउन सफलता मिल्नेछ । अन्य महिना मध्यम रहनेछन् । मेषको राहु बलशाली हुनेछन् । खानपानमा ध्यान नपुगे मुटुमा समस्या आउने र जोर्नीको दुखाई कडा हुनेछ । खानपानमा विचार पु¥याउनु पर्ला । कार्तिकदेखि राहु बाह्रौमा प्रवेश गर्दा मस्तिष्कमा पिडा दिन सक्छ ।

वृष

समग्रमा यस वर्षको ग्रह गोचरको फल मिश्रित रहनेछ । शनियुगिन समयमा शनिको एकल राजयोग भएको शनिको कर्मभावमा हुँदा कर्मले भाग्यलाई चम्काउनेछ । धार्मिक क्षेत्रमा रुचि बढ्नुको साथै सामाजिक कार्यमा अग्रसर हुँदा सफलता मिल्नेछ । कर्मेश र भाग्य शनिबाट बनेको एकल राजयोगको प्रभावले आफ्नो वर्चस्व सर्वत्र फैलाउन सकिनेछ । बर्षारम्भमा एकादश भावमा रहेका स्वगृही गुरुले तृतीय, पञ्चम, सप्तम पूर्णदृष्टिले विद्या उन्नतिमा छात्रवृद्धि, सन्तान नहुनेको सन्तान लाभ र भएका सन्तानको प्रगति हुनेछ । आफ्नो पराक्रम वृद्धि, वैदेशिक कार्यमा सफलताको अवसर मिल्नेछ । वैशाख ६ गते रातिबाट गुरुप्रतिकूल रहे पनि शनि बलियो भएकोले नयाँ गृहमा प्रवेश गर्ने, नयाँ सवारी लाभ हुने बलियो सम्भावना छ । राजनीतिमा सफताको सम्भावना प्रशस्तै छ । । आयेश द्वादश स्थानमा खर्च बढाउने भएपनि भाग्येश र कर्मेशको एकल राजयोगले समय बलशाली रहनेछ । सहयोगी, दाजुभाइ तथा मातापिताका बिचका सम्बन्धलाई सहज र सरल उभ्याउन कठिन छ । गुरु बाह्रौ भई छैटा दृष्टि रहेपनि एकल राजयोगवाला शनि दशम भावमा, मेषको राहुको छैटा दृष्टि, छैटा केतुको अनुकूलताले शत्रु नाश हुने र आफू बलियो बन्नेयोग छ । शनिको अनुकूलता विदेशयात्रा गर्ने अवसर पाउने बलियो सम्भावना छ । व्यापारमा सफलता पाउनुको साथै प्रेममा संलग्न हुनेहरूको लागि वैवाहिक बन्धनमा बाँधिएर खुशी हुने अवसर मिल्ने छ । आश्विन ३०देखि मीन राहु प्रवेश गर्ने आर्थिक उन्नतिका हिसाबले त्यसपछिका समय निकै राम्रो रहनेछ । उच्च आर्थिक उपलब्धीमा अग्र हुनुको साथै शरीरमा उमङ्ग र मनमा उत्साह बढ्ने देखिन्छ । स्मरण रहोस् श्रावण १८देखि भाद्र२३ गतेसम्म बुध, शुक्रको बक्रास्त प्रभावको समयमा माथि उल्लिखित कार्य कुराहरू निर्विवाद अघि बढ्न सक्ने छैन । त्यो समयमा त्यति शुभ नरहेकोले संयमित रहनुहोला । वैशाखमा खर्च र विवाद बढ्ने,मुद्दामामिला आउन सक्छ । आषाढमा धनमाल हराउन सक्ने, दाँत र मुखमा पीडा हुने योग छ । भाद्रमा घरेलुसमस्याले सताउने, सवारी साधनले दुःख दिनेछ । पौषमा स्वास्थ प्रतिकूल, लेनदेनमा विवाद वढ्नेछ ।श्रावणमा पराक्रम वढ्ने, अधुरा काम बन्ने, नयाँ कामको अवसर मिल्ने योग छ । कार्तिक र चैत्रमा शत्रुनाश हुने, धन मनग्य कमाउने अवसर मिल्नेछ । घर तथा सवारी साधन जोड्न राम्रो तथा फलदायी रहनेछ । अन्य महिनाहरू मध्यम रहनेछन् ।

मिथुन

यसवर्ष ग्रहगोचर समग्रमा राम्रो रहनेछ ।गुरुको अनुकूलताले बोलीको पराक्रम बढ्ने, अरूको विश्वास जितेर महत्वपूर्ण कामहरू प्राप्त गरी सफल बनाउन सकिनेछ । मानसम्मान पाउने योगछ । धार्मिक तथा सामाजिक काममा सोचेभन्दा बढी नै सफलता पाइने छ । मित्र तथा परिवारले कुरा बुझेर सहयोग गर्नेछन् । घर तथा सवारी साधन जोड्ने अवसर मिल्नेछ । नयाँ मित्रको आगमन हुने, परिवारको सदस्य संख्या वृद्घि हुने सम्भावना छ । सन्तानबाट सहयोग र सद्भाव मिल्नेछ । नोकारीमा पदोन्नति र राजनीतिमा प्रगति हुने बलियो सम्भावना छ । वर्षारम्भमा मेषको राहु, अनुकूल हुनाले प्रयास गर्दा ठूलो काममा सफलता पाइने छ । अकस्मात् प्रेम हुनाले खुशी बढ्ने, मन शान्त हुनेछ । पतिपत्नीबिचको सम्बन्धनिकै राम्रो हुनेछ। व्यापारमा अपेक्षित सुधार आउनेछ । वैदेशिक कार्यमा महत्वपूर्ण सफलता हात पर्नेछ । भाग्यभावमा रहेका शनिको एकादश स्थान,तृतीय स्थान र षष्ट भावमा दृष्टि दिने हुँदा आफ्नै प्रयास धेरै काममा सफल हासिल प्रयाप्त कमाई गर्ने अवसर मिल्ने हुँदा धन सञ्चित गर्न गाह्रो छैन । शत्रु पराजय हुनुको साथै स्वास्थ्यमा सुधार आउनेछ । आर्थिककारोवारमा विवाद बढ्नुको साथै लेनदेनमा समेत धेरै विवाद बढ्नेछ । सहयोगीहरूबाट सहयोग प्रयाप्त हुने, दाजुभाइबिच सुमधुर सम्बन्ध सहकार्य हुने, पारिवारिक सौहार्द बढ्ने सम्भावना रहन्छ । भाद्र ३० गतेदेखि राहुको प्रतिकूलताले नोकारी तथा राजनीतिमा विनाकारण सङ्कट आउनुको साथै उच्च उच्चरक्त बढ्नाले मुटुमस्तिष्कमा समस्या हुन सक्छ । विपरित लिङ्गीबाट झुट्टाआरोप लगाउने प्रयत्न हुन सक्ने हुँदा सचेत रहनु राम्रो । महत्वपूर्ण काम र निर्णय गर्दा सचेत रहनु उचित होला । बैशाख, भाद्र, मार्ग र चैत्रमा पराक्रम बढ्ने, रोकिएको काम बन्ने, नयाँकाम पाउने, नोकरीमा सफलता मिल्ने योग छ । धन मनग्य कमाउने अवसर मिल्नेछ ।आषाढ,आश्विन, माघमा झुटा आरोप लाग्ने, स्वास्थमा अवरोध आउने, लेनदेनमा विवाद आउने, परिवारको असहयोग र मित्रको धोकाले मन अशान्त हुनेछ । अन्य महिना मध्यम रहनेछन् ।

कर्कट

वर्षारम्भमा अढैया शनिको र वैशाख ७ गतेदेखि गुरुको केन्द्रादि दोषको प्रतिकूलताले स्वास्थमा बाधा आउने, मनमा चिन्ता बढेर काम बिग्रने योग छ । यस वर्ष राहु र गुरुबाट केन्द्रमा गुरुचण्डाल योग परेको हुँदा धन, मानको क्षति भने प्रशस्तै हुनेछ । छोरीवुहारी र दिदीबहिनीको प्रगति, उनीहरूबाट सहयोग मिल्ने देखिन्छ । आँट र साहास बढ्ने अधुराकाम पुरा गरेर अघिबढ्ने अवसर मिल्ने छ । बर्षारम्भदेखि श्रावणभर राहु र मङ्गल राम्रो रहने हुनाले महत्वपूर्ण काममा सफलता मिल्ने छ । गुरुको दृष्टि द्वितिय, चतुर्थमा रहने हुँदा बोलीको प्रभावमा धेरै कामहरू अघि बढ्ने छन् । मित्रहरूले सघाउने, परिवारले साथ दिने भएकोले विघ्नबाधासँग जुध्न सकिने, प्रतिस्पर्धामा सफलता हासिल गर्न सकिने छ । व्यापारमा लाभ हुनुको साथै वैदेशिक कार्यमा अपेक्षित सुधार आउनेछ । पतिपत्नीबिचको सम्बन्धमा उल्लेखनीय सुधार आउनेछ । श्रावण १२देखि कार्तिक ३सम्म शनि, गुरुको वक्र प्रभावले राजनीतिमा लाग्नेहरूका लागि कूटनैतिक असफलताले पदच्यूत गराउन सक्छन् । व्यापारमा र वैदेशिक कार्यमा अवरोध आउनेछ । भाग्यभावको शनि अष्टम, अढैया शनिको प्रभावले आर्थिक संकट बढाउनेछ । धार्मिक र सामाजिक कार्यमा झुट्टा आरोपको सामना गर्नुपर्नेछ । उच्च रक्तस्रावको साथै मुटु, मस्तिष्कमा पीडा हुने, हाडजोर्नीको समस्या पनि आउनेछ । नगदकारोबार गरे विवाद बढेर मुद्दामामला लाग्न सक्छ । विश्वासमा धोका हुनेछ । परिवारले साथ नदिने मित्रहरूस्वार्थमा प्रेरित भईआफूलाई फसाउन सक्रिय हुनेछन् । पतिपत्नीबिचको विवादमा संयम नभए विछोडको स्थिति आउनेछ । पिता, पुत्रबिच सम्बन्ध बिग्रनाले घरझगडा निकै बढ्नेछ । नोकरीमा झुट्टाआरोप लागेर अपठ्यारो पर्ने सक्ने, स्थनान्तरण हुने, छुट्ने योग छ। अन्य समयमा संयम भएमा राम्रो रहनेछ । ज्येष्ठमा धन लाभ हुनुको साथै नयाँ कामको प्रस्ताव आउनेछ । आश्विनमा पराक्रम बढ्ने, रोकिएका कामहरू अघि बढ्नेछ । पौष महिनामा शत्रु पराजय हुनेछन् । अषाढमा धननाश, शत्रुबाधा, झुट्टा अरोपलाग्न सक्नेछ । कार्तिकमा घरेलु समस्याले सताउने, मित्रले धोका दिने, सवारी साधन विग्रनेछ । फाल्गुनमा स्वास्थ्यमा बाधा, अर्थिकसंकट तथा लेनदेनमा विवाद आउने योगछ । अन्य महिनाहरू मध्यम छन् । राहु बलियो भएको हुँदा आर्थिक पक्ष बर्षभरिनै बलियो हुनेछ ।

सिंह

यस वर्ष ग्रहले पूर्ण साथ दिने छ । पञ्चमेश गुरु भाग्यभावमा वसेकोले आँटेका काममा सफलता सजिलै मिल्नेछ । बौद्धिक कार्य र पढाईमा सफलता अत्याधिक मिल्ने छ । लेखन कार्यमा रुचि धेरै बढ्नेछ । साहित्य, कला, गीत, सङ्गीतमा हुनेहरूका लागि योबर्ष अत्याधिक राम्रो रहने छ । शैक्षिक उन्नतिमा विदेश तथा स्वदेशमा छात्रबृद्घि पाउने योग छ । व्यावसायिक कार्यमा विदेश यात्रा गर्ने अवसर मिल्नेछ । विदेशिएका मित्रहरूले सफलताको लागि सहयोग गर्नेछन् । आयात निर्यातमा लाग्नेहरूका लागि बर्ष अनुकूल रहनेछ । कूटनैतिक कार्यमा लग्नेहरूका ठूलो सफता हात पर्नेछ । बर्षको आरम्भदेखि आश्नि ३०सम्म आम्दानीको सकरात्मक रहेपनि कार्तिक १ गतेदेखि राहुको प्रतिकूलताले आर्थिक संकट बढ्ने छ । मित्रता प्रेमको रङ्ग बदलिएर वैवाहिक बन्धनमा बाँधिने समय छ । पतिपत्नीबिच सुमधुरसम्बन्ध बढ्ने छ । मन प्रसन्न हुनेछ । नोकरीमा सुधार आउनाको साथै महत्वपूर्ण स्थानमा स्थानान्तरण हुने बलियो सम्भावना छ । राजनीतिमा संयम र सक्रिय भएर अघि बढे सोचे जस्तै सफलता पाउने योग छ । मनमा प्रसन्नता र शरीरमा स्फूर्ति बढ्ने छ । नयाँ कामको अवसर पाउने योग छ । सन्तानसँगसम्बन्ध बलियो हुने, सन्तान नहुनेले सन्तान प्राप्त हुने र सन्तानको उच्च प्रगति हुने योग छ । भाग्यभावमा मेषको राहु, गुरुसप्तम भावमास्वगृही शनि रहेकोले शत्रु नाश हुनेछ । भाग्य बलियो हुनेभएकोले सामाजिक क्षेत्रमा सम्मान मिल्नुको साथै धार्मिक कार्यको रुचिको साथै तीर्थयात्राको पनि सम्भावना छ । शनि राहुको गुरुको अनुकूलताले शत्रुमाथि विजय पाउनेछ । सामाजिक, काममा सुधार आउने, बलियो सम्भावना भएकोले त्यतैतिर जोड दिनु उचित होला । कार्तिक १ गतेदेखि राहु अष्टम भावमा जाने हुँदा आर्थिक कारवार गर्दा विवाद हुन सक्ने छ । यो सयम गोपनीयतामा जोड दिनु, सजग हुनु राम्रो । आषाढ, कार्तिक, माघमा काममा सफलता, शत्रु नाश र धनलाभ हुने योग छ ।श्रावण, अश्विन, मार्ग, चैत्रमा काममा अवरोध आउने अरुबाट आलोचना हुने छ । स्वास्थ्यमा बाधा, धन नाश, शत्रु बढ्ने, चिन्ता बढ्नेछ । अन्य महिना मध्यम रहनेछन् ।

कन्या

वर्षारम्भदेखि आश्विनभरि अष्टम राहु प्रतिकूल भई बसेकोले स्वास्थ्य समस्या निकै बढ्नेछ । मित्र तथा परिवारहरूको असहयोगले दैनिकीमा अप्ठ्याराहरू प्रशस्तै आउनेछन् । बाहनले पटकपटक धोका दिनेछ । शत्रुसँग मिलेर परिवार र मित्रले फसाउने प्रयत्न गर्नेछन् । स्वास्थमा अनेक पीडा र विशेषतः पेटमा समस्या आउनेछ । विनाकारणको विवादले सामाजिक कार्यमा भएको प्रतिष्ठा धुमलिने सम्भावना छ । कामको बिचमा अवरोध आउने, सहयोगीहरूबाट धोका हुने, दाजुभाइहरूले सहयोग नगर्ने हुँदा सानो कामलाई पनि धेरै प्रयत्न गर्नुपर्नेछ । परिवारिक समस्या र मित्रहरूको सहयोगमा व्यस्त हुँदा पढाईमा बाधा आउने, बौद्धिक कार्यमा बाधा आउनाले मन भरङ्ग हुनेछ । सन्तानसँग विमति, लेखनमार्गमा बाधा आउनेछ, शत्रु सक्रिय हुनेछन् । प्रेममा खटपट आउने, पतिपत्नीबिच बढ्ने विमतिले निकै दुःखी बनाउनेछ । व्यापार र वैदेशिक कार्यमा अवरोध आउने योग छ । कार्तिक १देखि सप्तम मीन राहु र चतुर्थेश र सप्तमेश गुरु अष्टम स्थानमा रहे पनि गुरुको द्वितीय स्थानमा र चतुर्थ स्थानमा रहने पूर्ण दृष्टि सकारात्म रहने हुँदा धैर्य र प्रयत्न गर्दा धेरै काममा सफलता मिल्ने छ । शनि अनुकूल भएकोले मनमा उत्साह एवं शरीरमा स्फूर्ति बढ्नेछ । रोकिएका कामहरू बन्नेछन् । नयाँ र आयमूलक कामहरू हात पर्नेछन् । सहयोगी र दाजुभाइहरूको सोचमा परिवर्तन आउनेछ । पढाईमा अपेक्षित सुधर आउनेछ । नोकरीमा आएको अवरोध हटेर जानेछ । राजनीतिमा सफलता मिल्नेछ । साहित्य तथा लेखन मार्गमा प्रयास गर्दा सफलता मिल्ने छ । व्यापारमा सफलता मिल्नुको साथै कूटनीतिमा विशेष लाभ मिल्ने योग छ । छात्रबृद्घिसहितको शैक्षिक यात्रा महत्वपूर्ण हुनेछ । आषाढ,श्रावण, मार्ग, फाल्गुनमा जोश र जाँगर बढ्नेछ । रोकिएका कामहरू बन्ने, नयाँकामको अवसर पाउने, मानसम्मान पाउने, धन लाभ हुने योग छन् । वैशाख, भाद्र, पौषमा खर्च बढ्ने, विवाद बढ्ने, पारिवारिक समस्याले सताउने, स्वास्थ्यमा बाधा आउनेछ । अन्य महिना मध्यम रहनेछन् ।

तुला

समग्रमा तुला राशिलाई यो वर्ष अनुकूल रहनेछ । पञ्चम, मुल,त्रिकोण राशिको शनि,तृतीयेश गुरुको सप्तममा गोचर भईराशि तृतीयएकादश स्थानमा गुरुको दृष्टिले पराक्रम बढ्नेछ, अधुरा काम बन्ने तथा नयाँकाम पाउने योग छ । बोलीको प्रभाव अरुलाई सजिलै आकर्षित गर्न सकिने छ । शनि बृहस्पतिको एकादशमा संयुक्त दृष्टिले धन प्रशस्त कमाउने अवसर मिल्ने छ । सप्तममामेषको राहुको प्रभावले घरेलुसमस्या आइरहेनछ । परिवारको असहयोग र मित्रहरूको धोकाले मन विचलित भए पनि बृहस्पति शनि अनुकूल भएकोले शत्रु परास्त हुने छन् । मित्रहरूको सहयोग बढ्नेछ । सवारीसाधानले जोड्ने अवसर मिल्ने छ । वर्षारम्भदेखि वर्षभरितृतीयेश बृहस्पतिको वसाई सप्तम भावमा रहेकोर एकादश तृतीय र राशिमा पूर्ण दृष्टि रहने हुँदा शत्रुलाई परास्त गर्दै अति महत्वपूर्ण काममा सफलता हासिल गर्न सकिनेछ । प्रतिस्पर्धा गरेर सफलता प्राप्त हुनेछ । समाजमा तपाईका शब्दले अरूको मन सजिलै जित्न सक्नेछ । राजनीतिमा लाग्नेहरूका लागि योवर्ष अनुकूलनै मान्न सकिन्छ । विद्यार्थीहरूले अध्ययनका लागि स्वदेश तथा विदेशमा प्रस्थान गर्ने प्रयास गर्दा सफल भइने छ ।व्यपारमा लगानी धेरै हुने आर्जन राम्रै हुने भएकोले मन प्रसन्न हुने छ । नयाँ प्रेममा संलग्न हुँदा पुरानो प्रेमले अक्रमण गर्न सक्ने भएकोले प्रेमको मामलामा सजग हुनुपर्ला । पति, पत्नीबिच हुने सुमधुर सम्बन्धमा सौहाद्र्घता बढेर घरेलु र अन्य कार्यलाई समेत सहज बनाउनेछ । बौद्घिक क्षमता बृद्घि हुनेभएकाले कूटनैतिक कार्यमा चमत्कारिक सफलता पाउन सकिनेछ । ज्ञान, विज्ञानका क्षेत्रमा सोचे अनुसार लाभ हुनेछ । भाद्र, फाल्गुन, चैत्र फलदायी रहनेछ । सामाजिक कार्यमा उल्लेख्य सम्मान पाउने योग छ । श्रावण, भाद्र, पौष, चैत्रमा मानसम्मान र नोकारीमा मिल्ने, धन मनग्य कमाउने अवसर मिल्नेछ । शत्रु पराजय हुने छन् । शरीरमा जोश र जाँगर बढ्ने,अरूवाट सम्मान पाउने योग छ । ज्येष्ठ, आश्विन, माघमा स्वास्थमा बाधा आउने, घरेलु समस्या वढ्ने, मित्र तथा परिवारले धोका दिने, सवारी साधन बिग्रने, आर्थिक संकट आउनेछ । अन्य महिना मध्यम रहनेछन् ।

बृश्चिक

अढैया शनिको प्रभाव चतुर्थ भावमा, षष्ट भावमा रहेका गुरु,द्वितीयेश र पञ्चमेश भइरहेको हुँदा अरुबाट तीव्रआलोचना हुनेछ । धनमाल हराउने र स्वास्थ्यमा बाधा आउने योग छ । शत्रु वृद्धि, काममा अवरोध आउन सक्छ । घरेलुकाममा व्यस्त रहदा आफन्तहरूको सहयोगमा लाग्नु पर्दा पढाईमा विघ्न आउनेछ । सन्तानसँग पञ्चमेश गुरु षष्ट भएका सन्तानहरूसँगको विमति र असफलताले चिन्ता बढाउनुका साथै उनीहरूको ब्यवस्था गर्न प्रयाप्त प्रयास गर्दा पनि सफलता पाउन गाह्रो छ । राहुको अनुकूल प्रभाव आश्विन ३०सम्म मीन रहँदा वर्षभरि रहने हुँदा गोपनीयताका साथ अघि बढेमा नयाँ नयाँ खोजहरूमा लागेर सफलता पाउन सकिने छ । गुरुको द्वितीय र दशमको दृष्टिले नोकरीमा सुधार आउने, राजनीतिमा सुखसुविधा पाउने अवस्था छ । बैशाखदेखि अश्विनसम्म राहु अनुकूल हुँदाआम्दानीका अवसरहरू प्रशस्त मात्रामा मिल्नेछन् । मनमा चिन्ता र शरीरमा आलस्यता बढ्ने योग भएपनि धैर्य गर्दा रोकिएका कामहरू सुचारु हुने, नयाँ कामको अवसर मिल्नेछ । ज्ञान, विज्ञानमा लागेकाहरूकालागि समय अनुकूल रहनेछैन । आफन्त, मित्र तथा परिवारहरूबाट उचित सहयोग मिल्नेछैन । व्यापारमा केहीलाभ उठाउन सकिनेछ । वैदेशिक र कूटनैतिक कार्यमा संलग्नहुनेहरूकालागि शुभ हो । भाग्यले साथ दिनेछ । सामाजिक कार्यमा सम्मान पाउने योगछ । नोकरीमा प्रगति र उन्नतिको अवसर मिल्नेछ । राजनीतिमा गुमेका स्थान पुनः प्राप्तिको अवसर मिल्नेछ । सहयोगीहरूको सहयोग पूर्णरूपमा पाइनेछैन सफलताको लागि प्रयास आफैले गर्नुपर्ने छ । दाजुभाइ, दिदीबहिनीको सहयोगमा आर्थिक, सहयोग गर्न बाध्यभई राजनैतिक कार्यलाई समेत प्रतिकूल प्रभाव पार्नेछ । शनि बृहस्पति प्रतिकूल हुँदा दाँत, मुखमा पीडा, हाडजोर्नीको समस्या आउनेछ । नगदकारोबार गरे विवाद बढेर मुद्दामामला लाग्न सक्छ । विश्वासमा धोका हुनेछ । परिवारले साथ नदिने मित्रहरूपनि स्वार्थमा प्रेरित भईआफूलाई फसाउन सक्रिय हुनेछन् । त्यसैले ॐ सं शनिश्चराय नमः, ॐ राँ राहवे नमः भन्ने मन्त्रको जप सकेसम्म धेरै गर्नुहोला । पति, पत्नीबिचको सम्बन्धमा सुधार आउनेछ । पिता, पुत्रबिच सम्बन्ध बिग्रनाले घरझगडा निकै बढ्नेछ । नोकरीमा झुट्टा आरोप लागेर अपठ्यारोलाई ब्यवस्थापन गर्न सकिने योग छ । बैशाख, भाद्र, आश्विन, माघमा पराक्रम बढ्ने, धनलाभ हुने,शत्रु पराजय हुने र धेरैकाममा सफलता मिल्ने छ । आषाढ, कार्तिक, फाल्गुनमा स्वास्थ्य बाधा, परिवारिक, कलह मित्रबाट हुने घातले मन चिन्तित हुने छ । अन्य महिना मध्यम रहनेछन् ।

धनु

यस वर्ष ग्रह गोचर धेरै राम्रो रहनेछ । सानातिना प्रयासले पनि महत्वपूर्ण काममा सफलता धेरै पाउने वर्ष छ । बर्षारम्भदेखि बर्षभरिनै छैटा मेषको राहु रहने हुँदा शत्रु पराजय हुने मित्रहरू सहयोगी हुने नयाँमित्रहरू थपिन आउने भुलेका मित्रहरूले याद गर्ने बर्ष हो । भाग्येश चन्द्रमा शुभ भई कर्म स्थानमा रहने हुँदा नयाँ जागिर पाउने भएको जागिरमा पदान्नति हुने सम्भावना बलियो छ । शरीरमा स्पूmर्ति मनमा हर्ष अत्याधिक बढ्नुका साथै अधुरा काम बन्ने, नयाँ काम पाउने योग बलियोछ । सहयोगीहरूका सहयोग पर्याप्त मात्रामा मिल्नेछ । दजुभाइबाट पूर्ण सहयोग मिल्नेछ । बोलीको प्रभाव राम्रो हुनुको साथै अरूको विश्वास सजिलै जित्ने अवसर मिल्नेछ । कूटनैतिक कार्यमा महत्वपूर्ण सफलता पाइनेछ । पढ्नका लागि विदेश वा स्वदेशमा छात्रवृत्ति प्राप्त हुने योग छ । घर, जग्गा तथा सवारी साधन जोड्ने अवसर मिल्नेछ । सन्तान नहुनेका लागि सन्तान प्राप्ति हुने बलियो सम्भावना छ, भएका सन्तानहरूको तीब्र प्रगति हुने योग छ । व्यापारमा र वैदेशिक कार्यमा उचित लाभ उठाउन सकिनेछ । प्रेम गर्ने अवसर मिल्नेछ । वैवाहिक सम्बन्धमा वाँधिने योग बलियो छ । भाग्य बलियो भएकाले सामाजिक कार्यमा उचित सम्मान पाउने योगछ । नोकरीमा उच्चस्थान प्राप्तिका साथै स्वीकार्य स्थानमा स्थानान्तरण हुनेछ । औद्योगिक कार्यमा संलग्नहरूकालागि वर्ष फलदायी रहनेछ । कृषि तथा निर्माण व्यावसायिक व्यक्तिहरूका लागि ग्रहगोचर राम्रो रहनेछ । बृहस्पति अनुकूल रहने हुँदा बोलीको प्रभाव बढ्ने सन्तान नहुनेले पुत्रलाभ गर्ने अवसर योबर्ष मिल्ने छ । राज्यबाट बौद्घिक सम्मान मिल्ने सम्भावना छ । कार्तिक १देखि राहु चतुर्थ हुने हुँदा अनावश्यक विवादमा फस्न सक्ने, शत्रु बढ्ने, स्वास्थ्यमा अवरोध आउने योग छ । घरेलु समस्याले सताउने सवारी साधनले दुःख दिने मनमा डर बढ्ने । नोकरी तथा राजनीतिमा उतारचढाव आउने सम्भावना छ । विश्वास गरेकाले धोका दिने हुनेभएकोले विचार गर्नु उचित हुनेछ । यी समस्याबाट छुट्कारा पाउन शिवको आराधना राहुको जप ॐ राँ राहवे नमः, भैरवको उपासना गर्नु उचित हुनेछ । आषाढ, कार्तिक, चैत्र महिनामा स्वास्थमा संकट आउने, लेनदेनमा विवाद र खर्च बढ्ने, झुट्टा आरोप लाग्ने, मन विचलित हुने योग । वैशाख,ज्येष्ठ, आश्विन,कार्तिक नोकरी, सम्मान, राजनीतिमा सुधार आई जोश र जाँगर बढ्ने, शत्रु नाश हुने, धन लाभ हुने योग । अन्य महिना मध्यम रहनेछन् ।

मकर

साढेसातीको प्रभाव बर्षभरिनै रहनेछ । गुरुको पनि प्रतिकूल प्रभाव वर्षभरि रहने हुँदाघरेलु समस्या बढ्ने कामहरू अधुरा रहने र नयाँकाम पाउन गाह्रो हुने योग छ । बोलीको प्रभाव राम्रो नरहने अरूलाई विश्वास लिन नसकिने भएकोले बोल्दा अलि विचार गर्नु पर्ला । अष्टम भावमा गुरुको र शनिको संयुक्त दृष्टि र बाह्रौ भावमा गुरुको दृष्टि प्रतिकूल रहने हुँदा आर्थिक कारोवारमा समस्या, मित्रबाट असहयोग हुने, शत्रुबाट आक्रण हुनसक्ने भएकोले सजग हुनु पर्नेछ । बर्षारम्भदेखि आश्विन ३० चतुर्थ राहु, गुरु केन्द्रादि दोष गुरु चण्डाल योग हुने हुँदा समय निकै प्रतिकूल रहने छ । धार्मिक कार्यमा मन नजाने, झुट्टा मुद्दामामलामा फस्ने सम्भावना छ । उच्च रक्तचाव बढ्नुको साथै मुटुमस्तिष्कमा पीडा हुन सक्छ । धनमाल हराउनुको साथै दाँत र मुखमा पीडा धेरै हुनेछ । पेट दुःखाई, हड्डी र नसाको समस्या आउन सक्छ । नोकरीमा सचेत नभएमा यसै समय स्थानान्तरणका साथै पदमुक्तसम्म हुने अवस्था आउन सक्छ । राजनीतिमा प्रशस्तै अप्ठ्याराहरूको सामना गर्नुपर्नेछ । सानो भूलको परिणाम भयावह बन्नसक्छ । निर्दाेष भएपनि दोषीबनेर आफ्नो स्थान गुमाउनुपर्ने अवस्था आउन सक्ने भएकोले कसैको विश्वास गर्नु सङ्कट निम्त्याउनुहो भन्न सकिन्छ। गुरुको र शनि दशम भावमा दृष्टि रहने हुँदामान सम्मान पाउने नोकरीमा राम्रै सफलता पाउने योग छ । आमदानीको नयाँ श्रोत हात पार्न सकिने छ । सामाजिक कार्यमा सम्मान पाउने वलियो सम्भावना । गुरुको दशम दृष्टि अनुकूलताले गोपनीयताका साथ अघि बढेमा महत्वपूर्ण काममा सफलता प्राप्त होला । बर्षारम्भमा गुरु, शुक्र, मङ्गल अनुकूल रहेको हुँदा सक्रिय भएमा पढाईमा उन्नति, सन्तानको प्रगति र बौद्घिक कार्यमा अपेक्षित लाभ उठाउन सकिनेछ । वैदेशिक र कूटनैतिक कार्यमा राम्रै सफलता हासिल गर्न सकिनेछैन । नक्कली प्रेमको प्रस्तावले भएको प्रेम र वैवाहिक कार्यलाई नकारात्मक प्रभाव पार्ने सम्भावना छ । संयम नभई अघि बढेमा लाभ उठाउन सकिनेछैन । दिदीबहिनी र छोरीबुहारीको असहयोग आफन्तहरूबाट धेरै आलोचना हुनेहुँदा सजग रहनुहोला । मेषको राहु र गुरुको गुरु चण्डाल योग चतुर्थ स्थानमा रहेकोले मित्रहरू स्वार्थी हुनुको साथै सवारी साधनले बेलाबेलामा दुःख दिनेछ । अन्य समय कठिनताको बावजुत बैशाखमा घरेलु समस्याले सताउनुको साथै सवारी साधानले दुःख दिने, मित्रले धोका दिने योग छ । भाद्रमा स्वास्थ र काममा बाधा, आर्थिक संकट, पौष महिना अशुभ रहनेछन् । आषाढमा शत्रु नाश हुने, काममा सफलता मिल्नेछ । मार्गमा धनलाभ, विद्यामा सफलता, सन्तान सुख मिल्नेछ । चैत्रमा पराक्रम बढ्ने, अधुरा काम पुराहुने, नयाँ कामको अवसर पाउने योग छ । अन्य महिना मध्यम रहनेछन् ।

कुम्भ

ग्रहगोचर समग्रमा अनुकूल रहनेछ । वर्षभरिनै साढेसातीको प्रभाव रहेपनि राशि स्वामि शनि राशिमै भएकोले त्यति प्रतिकूलता बढ्ने छैन । द्वितीय र एकादशेश गुरु कारकभईतृतीय भावमा बस्ने हुनाले बोलीको प्रभाव बृद्घि हुनुको पराक्रम प्रशस्त मात्रामा बढ्नेछ । तृतीय राहुले जोश जाँगर बढाउने र मनमा उत्साह शरीरमा स्फुर्ति काममा रुचि बढाउने छ । बर्षारम्भमा भाग्येश शुक्रचतुर्थ स्थानमा एकल राज योग बनाएर बसेको हुँदा भाग्य बलियो हुने शिक्षा आर्जनमा छात्रबृद्घि हासिल हुने योग छ । कर्मेश तथा तृतीयेश मङ्गल पञ्चम भावमा वसेर एकादश स्थामा दृष्टि दिने भएकाले तपाईको परिश्रमबाट प्रशस्त धनकमाउने अवसर मिल्ने छ । सत्य इमानले अरूलाई विश्वासमा लिएर अगाडि बढ्ने अवसर मिल्नेछ । उच्च मनोबल र नयाँ जोशका साथ अघि बढ्दा पुराना समस्या सुल्झाउन, नयाँ कामहरू सुरु गर्न सहज हुनेछ । परिवार र मित्रबाट उचित सहयोग मिल्नेछ । घरघडेरी तथा सवारी साधन जोड्ने अवसर मिल्नुको साथै नोकरीमा उपयुक्त स्थानमा स्थानान्तरण र पदोन्नति हुने योग छ । राजनीतिमा गुमेको स्थान पुनः प्राप्त हुनेछ ।विज्ञानमा अनुसन्धान गर्न लागिपरेकाहरूले चमत्कारिक सफलता हासिल गर्नेछन् । व्यापारमा र वैदेशिक कार्यमा राम्रो सफलता मिल्नेछ ।कूटनैतिक कार्यमा सफलता र राजनैतिक नियुक्तिको योग बलियो छ । महत्वपूर्ण काम धेरै गर्नु होला । अश्विन ३० देखि राशिमा राहु प्रवेश गर्ने हुँदा स्वास्थमा बाधा मनमा चिन्ता बढ्ने धनको खति हुने योग भएपनि लगानि उचित कार्यमा लाग्ने छ । अनावश्यक विवादले मानसिक सन्तुलन कायम राख्न गाह्रो पर्न सक्छ । अरूबाट तीव्र आलोचना हुने, धनमाल हराउने सम्भावना छ । उपलब्धीहीन कार्यमा समय खर्च हुनेछ । दाजुभाइ र सहयोगीहरूको सहयोग प्राप्त भएपनि आफ्नै गलत विचारकाकारण लाभ उठाउन सकिनेछैन । उच्च रक्तचावले गर्दा मुटुमस्तिष्कमा पीडा बढ्न सक्छ । हड्डी र नसामा समस्या आउने सक्ने योग पनि छ ॐ राँ राहवे नमः हरदिन जप्दा लाभ मिल्नेछ । सन्तानसँग असलसम्बन्धरहने, पढाईमा सफलता मिल्ने योग छ । बैशाख,श्रावण, पौष पराक्रम बढ्ने अधुरा काम बन्ने, नयाँकाम पाउने योग छ । महिनामा पराक्रम बढ्ने नयाँकामको अवसर मिल्ने, धन मनग्य कमाउने सहयोगीहरूको राम्रो सहयोग रहनेछ । ज्येष्ठ, आश्विन,चैत्र र माघमा घरेलु समस्याले सताउने स्वास्थ्यमा बाधा आउने,धन नाश र झुट्टा आरोप लाग्ने अरुबाट तीब्र आलोचना हुने धन माल हराउन सक्ने दाँत, मुखमा पीडा हुने भएकोले संयम रहनु पर्ला ।अन्य महिना मध्यम रहनेछन् ।

मीन

समग्रमा ग्रहगोचर मध्यम रहनेछ । आद्य साढेसातीको आरम्भ भएकोले खर्च वृद्धि हुने अनावश्यक विवाद झुटा आरोप लाग्न सक्ने भएकोले बोल्दा विचार पु¥याउनु पर्ला वर्षारम्भमा प्रथम भावमा रहेको गुरु प्रतिकूल भएपनि २०८० वैशाख ७ गतेबाट अनुकूल हुने हुँदा बोलीको प्रभावमा प्रशस्त आय आर्जन गर्न सकिनेछ । द्वितीय भावमा गुरुभएपनि षष्ट र अष्टम दृष्टिले शत्रु वृद्धि गराउने, स्वास्थमा बाधा पु¥याउनुको साथै आर्थिक कारोवारमा झन्झट आउन सक्छ । कर्म स्थानमा गुरुको दृष्टि बलशाली रहेको र गुरुको दृष्टि सर्वशक्तिमान हुनेहुँदा तपाईको सत्यतालाई राज्यले स्वीकार्ने छ । बौद्घिकता तीब्र भएकोले सामाजिक काममा सफल हुन सहयोग गर्नेहरू धेरै हुनेछन् । भाग्य बलियो हुनाले महत्वपूर्ण कामलाई तीव्र गतिमा अघि बढाउन सकिनेछ । नयाँ मित्रहरूसँग संवाद र सहकार्य गर्ने अवसर मिल्नेछन् । सहयोगीहरू, दाजुभाइ तथा दिदीबहिनीहरूबाट राम्रो सहयोग पाइने हुँदा काम गर्दा आफन्तहरूसँग परामर्श गर्नु उचित होला । न्यायिक, वैज्ञानिक र साहित्यिक क्षेत्रमा सुधार आउने भएकोले सक्रिय हुनु राम्रो । सन्तानबाट सहयोग पाउने सम्भावना अत्याधिक रहनेछ । वैदेशिक व्यापार, वैदेशिक शैक्षिक,छात्रवृत्ति र कूटनैतिक कार्यमा रहेकाहरूलाई यो वर्ष ग्रहले पूर्ण साथ दिने भएकोले सक्रिय भएर अघि बढ्नु उचितहोला । नयाँप्रेमको प्रस्तावले पुराना प्रेमलाई गतिरोध तथा विनाप्रेमहरूको पनि वैवाहिक बन्धनमा बाँधिने योगमा पनि बलियो छ । धार्मिक र सामाजिक क्षेत्रमा सफलताको साथै सम्मान पाउने योग छ । नोकरीमा अपेक्षित सुधार आउने चाहेको स्थानान्तरण बलियो सम्भावना छ । बिग्रेका कामहरू बन्ने मानसम्मान मिल्ने, आर्थिक उन्नतिले नयाँगति लिने, राजनीतिमा ऐतिहासिक सफलता मिल्नेछ । बौद्धिक कार्यमा तीब्रता आउने, पढाईमा सुधार आउनेछ । शैक्षिक, न्यायिक, दार्शनिक कार्यमा राम्रो सफलता हासिल गर्न सकिनेछ । गुरुको उत्तम दृष्टिले मान सम्मान पाउने योग भएपनि शनिको द्वादशभावमा स्वगृही बसाई र द्वितीय दृष्टि भने खर्च वृद्धि, चिन्तित बनाउने छ । धैर्य गरेमा शनिको छैटा दृष्टिले शत्रु नास हुने तथा सन्तान र आमाबुवाको आशीषले सफल हुन सक्ने भएकोले उहाँहरूसँग सहय कार्य गर्नु होला । शनि साढेसाती आरम्भ भएको र द्वितीय राहुको प्रतिकूल प्रभावले अनावश्यक विवाद र दाँत मुखमा पीडा सञ्चित धनको नास हुने, योग विशेषत आश्विन ३०सम्म रहने छ । योसमयमा गरेका काम अधुरा रहने निर्णयको अभावले समयमा काम नबन्ने, नयाँकाम पाउन कठिन हुने योग छ । कार्तिक १देखि राहु राशिमा रहँदा तीब्र तनावको सामना गर्नुपर्ला । महत्वपूर्ण निर्णयहरू सोचेर गर्नु उचित हुनेछ । ज्येष्ठ महिनामा आँटेका काम धेरै पुरा हुनेछन् । नयाँकामहरू पनि पाउन सकिने छ । अषाढमा विवाद र धन नास हुने अरुले आलोचना गर्ने योग छ । श्रावणमा गलत विचार बढ्ने आफूले गरेको निर्णयले अरुलाई लाभ हुने । भाद्रमा परिश्रमले काममा सफता मिल्ने धन लाभहुने । माघमा पराक्रम बढ्ने, अधुरा काम बन्ने,नयाँकामको अवसर मिल्ने र धन मनग्य आर्जन हुने योग छ । आषाढ, कार्तिक र फाल्गुणमा खर्च र विवाद बढ्ने, स्वास्थ्यमा बाधा आउने, पारिवारिक समस्या वढ्ने, सवारी साधन बिग्रने वलियो सम्भावना रहनेछ । अन्य महिनाहरू मध्यम रहनेछन् ।